Rannchuidíonn an Sásra um Aistriú Cóir le réigiúin agus daoine a chumasú chun aghaidh a thabhairt ar thionchair shóisialta, fostaíochta, eacnamaíocha agus chomhshaoil an aistrithe chuig spriocanna fuinnimh agus aeráide an Aontais do 2030 agus do gheilleagar an Aontais atá neodrach ó thaobh na haeráide de faoi 2050, bunaithe ar Chomhaontú Pháras. Is príomhuirlis é an Ciste chun tacú leis na críocha is mó a ndéanfaidh an t-aistriú i dtreo na neodrachta aeráide difear dóibh, trí thacaíocht shaincheaptha a thabhairt dóibh. Leis an gciste déantar maolú ar na costais shocheacnamaíocha a eascraíonn as an aistriú aeráide, rud a thacaíonn leis an éagsúlú eacnamaíoch agus le haistriú na gcríoch lena mbaineann. Is éard atá i gceist leis sin tacú le hinfheistíochtaí táirgiúla i bhfiontair bheaga agus mheánmhéide, gnólachtaí nua a chruthú, taighde agus nuálaíocht, athshlánú comhshaoil, fuinneamh glan, agus uassciliú agus athsciliú oibrithe.