Tacaíonn Tionscadal Comhpháirtíochta WORTH le FBManna in earnáil na cruthaitheachta chun comhoibriú trasnáisiúnta a dhéanamh d’fhonn táirgí nuálacha atá bunaithe ar an dearadh a fhorbairt trí mhalartú agus comhpháirtíocht a spreagadh idir lucht na n-ealaíon, dearthóirí, monaróirí, ceardaithe agus gnólachtaí teicneolaíochta. Tá sé bunaithe ar phríomhphrionsabail amhail cáilíocht na taithí, lena n-áirítear stíl agus aeistéitice, timpeallachtaí maireachtála sláintiúla agus sábháilte, inbhuanaitheacht agus ciorclaíocht, chomh maith le cuimsiú, inrochtaineacht agus inacmhainneacht.
Is clár malartaithe trasteorann é Erasmus le haghaidh Fiontraithe Óga a thugann deis do dhaoine óga ar mian leo a bheith ina bhfiontraithe dul ag obair le fiontraithe a bhfuil taithí acu agus a bhfuil gnóthais bheaga á reáchtáil acu i dtíortha eile, agus foghlaim uathu.
Is líonra réigiúnach é an Líonra Fiontar Eorpach (EEN), mar aon le hionad ilfhreastail do FBManna ar mian leo feabhas a chur ar a gcuid iomaíochais. Chun é sin a dhéanamh, cuireann EEN tacaíocht ghnó ar fáil do FBManna agus tugann sé comhairle dóibh faoi dheiseanna sa mhargadh inmheánach. Oibríonn EEN i gcomhar le tionscnaimh réigiúnacha amhail Ardáin um Speisialtóireacht Chliste, Moil Nuálaíochta Digití, Pobail Eolais agus Nuálaíochta agus Príomh-Ionaid Teicneolaíochta Cumasúcháin (KETanna).