Is-siti tal-Patrimonju Ewropew huma stadji importanti fil-ħolqien tal-Ewropa tal-lum. Huma u jestendu mill-bidu taċ-ċivilizzazzjoni sal-Ewropa li naraw illum, dawn is-siti jiċċelebraw u jissimbolizzaw l-ideali, il-valuri, l-istorja u l-integrazzjoni Ewropej.

Mill-2013 ’l hawn, dawn is-siti ntgħażlu għall-valur simboliku tagħhom, l-irwol li kellhom fl-istorja Ewropea u l-attivitajiet li joffru. Dawn is-siti jqarrbu l-Unjoni Ewropea u ċ-ċittadini tagħha.

L-uniċità taċ-Ċertifikat tal-Patrimonju Ewropew

Iċ-Ċertifikat tal-Patrimonju Ewropew għandu xi differenzi meta mqabbel mal-Lista tal-Patrimonju Dinji tal-UNESCO.

Is-siti tal-Patrimonju Ewropew jagħtu l-ħajja lin-narrattiva Ewropea u l-istorja warajha.

Is-siti tal-Patrimonju Ewropew jiffukaw fuq il-promozzjoni tal-valuri simboliċi Ewropej u l-irwol sinifikanti li dawn is-siti kellhom fl-istorja u l-kultura tal-Ewropa. Huma joffru wkoll attivitajiet edukattivi siewja, speċjalment għaż-żgħażagħ.

Is-siti tal-Patrimonju Ewropew jistgħu jitgawdew waħedhom jew bħala parti minn network. Il-viżitaturi jistgħu jħossu tassew il-wisa’ u l-iskala ta’ dak li l-Ewropa għandha x’toffri u dak li kisbet.

Siti premjati

Intgħażlu 67 sit.