Il-proġetti ta’ volontarjat joffru opportunitajiet għaż-żgħażagħ biex jieħdu sehem f’attivitajiet ta’ solidarjetà li jindirizzaw il-ħtiġijiet tal-komunitajiet lokali tagħhom.
Il-volontarjat jista’ jsir fil-pajjiż tar-residenza tal-voluntier, jew f’pajjiż ieħor (transfruntier). Il-proġetti jistgħu jiffukaw fuq firxa wiesgħa ta’ oqsma, bħall-protezzjoni ambjentali, il-mitigazzjoni tat-tibdil fil-klima, jew inklużjoni soċjali akbar.
Il-volontarjat jista’ jinvolvi:
1. Volontarjat Individwali b’tul ta’ żmien ta’ bejn xahrejn u 12-il xahar.
2. Volontarjat f’timijiet li jkunu ġejjin minn tal-inqas żewġ pajjiżi differenti biex jagħmlu volontarjat flimkien għal perjodu ta’ bejn ġimagħtejn u xahrejn. Din it-tip ta’ attività tista’ tikkontribwixxi b’mod speċjali għall-inklużjoni taż-żgħażagħ.
Il-kompożizzjoni tat-timijiet ta’ volontarjat trid tkun internazzjonali, u tal-inqas kwart tal-voluntiera jridu jiġu minn pajjiż li mhuwiex dak fejn isseħħ l-attività.
M’hemm l-ebda kriterju tal-għoti speċifiku. L-ammont tal-għotja li tingħata se jiddependi fuq għadd ta’ elementi inkluż il-baġit totali disponibbli, l-attivitajiet mitluba f’applikazzjoni, l-ammont ta’ għotja mitluba, kif l-applikazzjoni tindirizza l-prijoritajiet ta’ politika u l-oqsma tematiċi.