Il-programm LIFE jikkofinanzja proġetti fl-oqsma ta’:
• l-adattament urban u l-ippjanar tal-użu tal-art;
• ir-reżiljenza tal-infrastruttura;
• il-ġestjoni sostenibbli tal-ilma f’żoni suxxettibbli għan-nixfa;
• il-ġestjoni tal-għargħar u tal-kosta
• ir-reżiljenza tas-setturi tal-agrikoltura, tal-forestrija u tat-turiżmu;
• l-appoġġ għar-reġjuni ultraperiferiċi tal-UE fit-tħejjija tagħhom għal avvenimenti estremi tat-temp, b’mod partikolari fiż-żoni kostali.

Il-programm jipprovdi għotjiet ta’ azzjoni għall-aħjar prattika, proġetti pilota u ta’ dimostrazzjoni li jikkontribwixxu biex tiżdied ir-reżiljenza għat-tibdil fil-klima.

Is-sottoprogramm dwar il-Mitigazzjoni u l-Adattament għat-Tibdil fil-Klima jikkontribwixxi għat-tranżizzjoni lejn ekonomija sostenibbli, effiċjenti fl-użu tal-enerġija, ibbażata fuq l-enerġija rinnovabbli, newtrali għall-klima u reżiljenti. L-attivitajiet se jikkontribwixxu għall-iżvilupp sostenibbli.