Is-sottoprogramm LIFE Tranżizzjoni lejn Enerġija Nadifa jappoġġja t-tranżizzjoni lejn ekonomija effiċjenti fl-użu tal-enerġija, ibbażata fuq l-enerġija rinnovabbli, newtrali għall-klima u reżiljenti għall-klima.
Hu jipprovdi finanzjament għal azzjonijiet ta’ koordinazzjoni u appoġġ li għandhom valur miżjud għoli tal-UE, li huma mmirati lejn it-tkissir tal-ostakli tas-suq li jxekklu t-tranżizzjoni soċjoekonomika lejn enerġija sostenibbli.
Il-proġetti tipikament jinvolvu diversi partijiet interessati żgħar u ta’ daqs medju, atturi multipli inklużi awtoritajiet pubbliċi lokali u reġjonali u organizzazzjonijiet mingħajr skop ta’ qligħ, kif ukoll konsumaturi.
Il-proġetti se jkunu f’ħames oqsma ta’ intervent:
• Il-bini ta’ qafas ta’ politika nazzjonali, reġjonali u lokali li jappoġġja t-tranżizzjoni lejn enerġija nadifa.
• L-aċċellerazzjoni tal-introduzzjoni tat-teknoloġija, id-diġitalizzazzjoni, is-servizzi u l-mudelli kummerċjali ġodda u t-titjib tal-ħiliet professjonali relatati ma’ dan il-qasam tas-suq.
• Li jiġi attirat finanzjament privat għall-enerġija sostenibbli.
• L-appoġġ għall-iżvilupp ta’ proġett ta’ investiment lokali u reġjonali.
• L-involviment u l-għoti tas-setgħa liċ-ċittadini fit-tranżizzjoni lejn enerġija nadifa.