Il-Fond għal Tranżizzjoni Ġusta għandu jikkontribwixxi biex jippermetti lir-reġjuni u lin-nies jindirizzaw l-impatti soċjali, l-impjiegi, ekonomiċi u ambjentali tat-tranżizzjoni lejn il-miri tal-Unjoni għall-2030 dwar l-enerġija u l-klima u ekonomija tal-Unjoni newtrali għall-klima sal-2050, abbażi tal-Ftehim ta’ Pariġi. Il-Fond se jkun għodda ewlenija biex jiġu appoġġjati t-territorji l-aktar affettwati mit-tranżizzjoni lejn in-newtralità klimatika billi jipprovdilhom appoġġ imfassal apposta. Il-fond itaffi l-ispejjeż soċjoekonomiċi kkawżati mit-tranżizzjoni klimatika, filwaqt li jappoġġja d-diversifikazzjoni ekonomika u l-konverżjoni mill-ġdid tat-territorji kkonċernati. Dan jinvolvi l-appoġġ ta’ investimenti produttivi f’intrapriżi żgħar u ta’ daqs medju, il-ħolqien ta’ ditti ġodda, ir-riċerka u l-innovazzjoni, ir-riabilitazzjoni ambjentali, l-enerġija nadifa, u t-titjib tal-ħiliet u t-taħriġ mill-ġdid tal-ħaddiema.