Il-Programm Ewropa Diġitali (DIGITAL) huwa programm ġdid ta’ finanzjament li jiffoka fuq it-twassil tat-teknoloġija diġitali lin-negozji, liċ-ċittadini u lill-amministrazzjonijiet pubbliċi. Huwa jipprovdi finanzjament strateġiku biex jiġu indirizzati l-bosta sfidi li qed niffaċċjaw illum fir-rigward tat-teknoloġiji u l-infrastrutturi diġitali. Il-programm għandu l-għan li jaċċellera l-irkupru ekonomiku u jsawwar it-trasformazzjoni diġitali tas-soċjetà u tal-ekonomija tal-Ewropa, filwaqt li jġib benefiċċji għal kulħadd, iżda b’mod partikolari għall-intrapriżi żgħar u ta’ daqs medju. Il-programm DIGITAL jappoġġja proġetti f’ħames oqsma ta’ kapaċità ewlenin: • Supercomputing • Intelliġenza Artifiċjali • Ċibersigurtà • Ħiliet Diġitali Avvanzati • Implimentazzjoni u aċċessibbiltà ta’ teknoloġiji diġitali (inkluż permezz ta’ Hubs ta’ Innovazzjoni Diġitali)