L-inizjattiva Bauhaus Ewropea l-Ġdida għandha l-għan li tiżviluppa moviment kreattiv u interdixxiplinari li jgħaqqad il-Patt Ekoloġiku Ewropew mal-ħajja ta’ kuljum taċ-ċittadini tal-UE. L-inizjattiva qed titfassal b’mod konġunt permezz tal-involviment dirett taċ-ċittadini, tal-esperti, tan-negozji, u l-Istituzzjonijiet u l-għan tagħha huwa li:

• tagħmel l-għajxien ta’ għada aktar aċċessibbli u affordabbli;
• timmobilizza d-disinjaturi, il-periti, l-inġiniera, ix-xjentisti, l-istudenti u l-imħuħ kreattivi fid-dixxiplini kollha biex jimmaġinaw mill-ġdid għajxien sostenibbli;
• ittejjeb il-kwalità tal-esperjenza tal-għajxien taċ-ċittadini tal-UE;
• tipprovdi appoġġ finanzjarju għal ideat u prodotti innovattivi permezz ta’ sejħiet għal proposti ad hoc u permezz ta’ programmi kkorrdinati.

Il-partijiet ikkonċernati kulturali u kreattivi jistgħu jkunu benefiċjarji tad-diversi strumenti ta’ finanzjament li jappoġġjaw l-NEB u jsiru sħab u membri ewlenin tal-komunità tal-NEB. Sib aktar informazzjoni dwar kif issir sieħeb hawnhekk.