X’inhu?
Fl-2016, il-Premju għat-Talent Żagħżugħ fl-Arkitettura (YTAA) tnieda bħala komplement għall-Premju tal-UE għall-Arkitettura Kontemporanja biex jappoġġja t-talent ta’ Periti, Pjanifikaturi Urbani u Periti tal-Pajsaġġ li għadhom kemm iggradwaw.
Proġetti ta’ diploma jiġu proposti minn skejjel tal-arkitettura mill-Ewropa kollha u minn pajjiżi terzi magħżula (iċ-Ċina u l-Korea t’Isfel fl-2018). Tliet (jew erba’) rebbieħa jintgħażlu minn ġurija esperta biex jirċievu €5,000 kull wieħed, profil fl-World Architects u appoġġ fl-istadji inizjali tal-karrieri tagħhom.
Il-YTAA huwa organizzat mill-Fondazzjoni Mies van der Rohe bl-appoġġ ta’ Ewropa Kreattiva, bi sħubija mal-Assoċjazzjoni Ewropea għall-Edukazzjoni Arkitettonika (EAAE) u l-Kunsill tal-Ewropa tal-Periti (ACE-CAE).
Iċ-ċerimonji tal-għoti tal-YTAA tal-2016 u l-2018 kienu “Avvenimenti Kollaterali” tal-Architecture Biennale di Venezia. . Wirja li tivvjaġġa (li tibda f’Venezja) qed tippreżenta d-disinji magħżula fl-Ewropa u lil hinn minnha.
Għal xiex qiegħed?
Il-Premju għat-Talent Żagħżugħ fl-Arkitettura (YTAA) ħareġ mix-xewqa li jiġi appoġġjat it-talent ta’ periti/pjanifikaturi urbani gradwati reċentement hekk kif jidħlu fid-dinja professjonali.
Peress li se jkunu responsabbli għat-trasformazzjoni tal-ambjent tagħna fil-futur, il-gradwati ppremjati se jkunu appoġġati fil-ħolqien ta’ network ma’ periti stabbiliti u partijiet ikkonċernati/organizzazzjonijiet rilevanti involuti fil-Premju Mies tal-UE. B’hekk, il-YTAA se jiffaċilita l-ewwel passi professjonali tagħhom.
Il-YTAA jrid jirrikonoxxi wkoll l-iskejjel tal-arkitettura impenjati għall-kwalità arkitettonika bħala forza li tixpruna l-iżvilupp sostenibbli u l-kwalità tal-ħajja.
Kun af aktar?
- Aktar informazzjoni dwar il-YTAA tinstab fis-sit web tal-Premju YTAA.
- Il-Premju għat-Talent Żagħżugħ fl-Arkitettura għall-2020 imniedi f’Barċellona
- Jitħabbru erba’ rebbieħa tal-Premju għat-Talent Żagħżugħ fl-Arkitettura (YTAA) tal-2018
- Ir-rebbieħa tal-YTAA għall-2016 ippremjati fl-avveniment It-Tfassil tal-Ibliet Ewropej f’Venezja
- Tnedija tal-Premju għat-Talent Żagħżugħ fl-Arkitettura (YTAP)
Ritratt: Il-Fondazzjoni Mies van der Rohe