It-tieqa għall-Investiment Soċjali u l-Ħiliet tiffaċilita: l-iżvilupp ta’ ħiliet u kompetenzi ewlenin; it-tlaqqigħ, l-implimentazzjoni u l-użu akbar ta’ ħiliet permezz tal-edukazzjoni, it-taħriġ, inklużi t-taħriġ fuq il-post tax-xogħol u attivitajiet relatati. It-tieqa tappoġġja wkoll proġetti li jinvolvu l-innovazzjoni soċjali, is-servizzi tas-saħħa, it-tixjiħ u l-kura fit-tul, l-aċċess għall-prevenzjoni, it-trattamenti innovattivi u l-għażliet tas-saħħa elettronika, l-inklużjoni u l-aċċessibbiltà, u l-attivitajiet kulturali u kreattivi b’għan soċjali.
It-tieqa għall-SMEs InvestEU tiffaċilita l-aċċess għall-finanzi u d-disponibbiltà tagħhom primarjament għall-SMEs u l-kumpaniji żgħar b’kapitalizzazzjoni medja, inklużi dawk innovattivi u dawk li joperaw fis-setturi kulturali u kreattivi, kif ukoll għall-kumpaniji żgħar b’kapitalizzazzjoni medja. Bara minn hekk, din toffri appoġġ kapitali lil SMEs li ma kinux f’diffikultà f’termini ta’ għajnuna mill-Istat fi tmiem l-2019, iżda li minn dak iż-żmien ’l hawn qed iħabbtu wiċċhom ma’ riskji sinifikanti minħabba l-kriżi kkaġunata mill-pandemija tal-COVID-19
L-attivitajiet ta’ investiment jinvolvu attivitajiet ta’ riċerka, innovazzjoni, dimostrazzjoni u attivitajiet diġitali inklużi investimenti relatati mat-tnedija ta’ prodotti u teknoloġiji ġodda fis-suq. Jinkludu wkoll l-innovazzjoni organizzattiva u tal-proċessi, inklużi mudelli ta’ negozju ġodda u innovattivi f’oqsma differenti.