Cuidíonn fochlár LIFE ‘Aistriú chuig Fuinneamh Glan’ leis an aistriú chuig geilleagar atá inbhuanaithe, tíosach ar fhuinneamh in-athnuaite, neodrach ó thaobh na haeráide de agus athléimneach.
Cuireann sé maoiniú ar fáil le haghaidh gníomhaíochtaí comhordaithe agus tacaíochta iad sin lena mbaineann breisluach Eorpach ard, a bhfuil sé mar aidhm leo bacainní margaidh a chuireann bac ar an aistriú socheacnamaíoch chuig an bhfuinneamh inbhuanaithe a shárú.
Go hiondúil, is iad páirtithe leasmhara beaga agus meánmhéide, gníomhairí éagsúla, údaráis phoiblí áitiúla agus réigiúnacha agus eagraíochtaí neamhbhrabúsacha ina measc, agus tomhaltóirí a bheidh páirteach sna tionscadail.
Cúig réimse idirghabhála a bheidh i gceist:
• Creat beartais náisiúnta, réigiúnach agus áitiúil a thógáil lena dtacaítear leis an aistriú chuig fuinneamh glan.
• Dlús a chur le rolladh amach na teicneolaíochta, an digitiú, seirbhísí nua agus samhlacha gnó agus feabhsú na scileanna gairmiúla gaolmhara a bhaineann leis an réimse seo den mhargadh.
• Maoiniú príobháideach a mhealladh le haghaidh fuinneamh inbhuanaithe. • Tacú chun tionscadail infheistíochta áitiúla agus réigiúnacha a fhorbairt.
• Páirt a thabhairt do shaoránaigh agus iad a chumasú san aistriú chuig fuinneamh glan.