Culture and Creativity

Is tionscnamh é Startup-Europe lena nasctar gnólachtaí nuathionscanta ardteicneolaíochta, gnólachtaí atá ag méadú, infheisteoirí, luasairí, líonraí corparáideacha, ollscoileanna agus na meáin le chéile chun dlús a chur leis an bhfás i saol nuathionscanta na hEorpa. Faigheann sé tacaíocht ó phunann de thionscadail agus de ghníomhaíochtaí beartais atá maoinithe ag an Aontas Eorpach. Is é is aidhm don tionscnamh ‘EU Startup Nation Standard’ cuidiú le FBManna agus le gnólachtaí nuathionscanta na hEorpa a n-uaillmhianta margaidh a shaothrú trí dhíriú ar é a dhéanamh níos éasca gnó nuathionscanta a sheoladh agus leathnú thar theorainneacha, trí fhorbairt fiontar agus aistriú teicneolaíochtaí ó ollscoileanna a chur chun cinn, trí rochtain ar mhaoiniú a uas-scálú agus trí phróisis víosaí a éascú chun tallann tríú tíortha a choinneáil. Is tionscnamh sonraíbhunaithe é an Radar Nuálaíochta arb é is aidhm dó nuálaíochtaí agus nuálaithe ardacmhainneachta a shainaithint i dtionscadail taighde agus nuálaíochta atá maoinithe ag an Aontas Eorpach, d’fhonn é a chur ar a chumas do gach saoránach, gach oifigeach poiblí, gach duine gairmiúil agus gach duine gnó eolas a chur ar thorthaí chistiú nuálaíochta an Aontais. Leis an tionscnamh um nuálaíocht dhigiteach agus um uas-scálú (DISC), dírítear ar aghaidh a thabhairt ar an mbearna infheistíochta a bhíonn os comhair gnólachtaí nuathionscanta digiteacha i réigiún lár, oirthear agus oirdheisceart na hEorpa (CESEE) i gcomparáid le nuálaithe i réigiúin eile na hEorpa. Cuireann Ionad Ilfhreastail Startup Europe faisnéis agus tacaíocht ar fáil d’fhiontraithe, d’infheisteoirí agus do thógálaithe éiceachórais faoi ábhair ar nós an uas-scálaithe, deiseanna infheistíochta agus an líonraithe.