Is ardán é S+T+ARTS a fhéachann leis an teicneolaíocht agus an cleachtas ealaíne a nascadh le chéile ar bhealach níos dlúithe chun aghaidh a thabhairt ar na dúshláin shóisialta, chomhshaoil agus eacnamaíocha atá os comhair na hEorpa. Tacaíonn sé le teicneolaíochtaí níos cruthaithí, níos cuimsithí agus níos inbhuanaithe a fhorbairt trí chomhoibriú idir ealaíontóirí, eolaithe, innealtóirí agus taighdeoirí. Tá sé dírithe ar an smaoineamh go mbainfidh an ealaín, an eolaíocht agus an teicneolaíocht leas as peirspictíochtaí a chomhroinnt agus bealaí nua a oscailt don taighde agus don ghnó.
Is tionscnamh é Startup-Europe lena nasctar gnólachtaí nuathionscanta ardteicneolaíochta, gnólachtaí atá ag méadú, infheisteoirí, luasairí, líonraí corparáideacha, ollscoileanna agus na meáin le chéile chun dlús a chur leis an bhfás i saol nuathionscanta na hEorpa. Faigheann sé tacaíocht ó phunann de thionscadail agus de ghníomhaíochtaí beartais atá maoinithe ag an Aontas Eorpach.
Tacaíonn Tionscadal Comhpháirtíochta WORTH le FBManna in earnáil na cruthaitheachta chun comhoibriú trasnáisiúnta a dhéanamh d’fhonn táirgí nuálacha atá bunaithe ar an dearadh a fhorbairt trí mhalartú agus comhpháirtíocht a spreagadh idir lucht na n-ealaíon, dearthóirí, monaróirí, ceardaithe agus gnólachtaí teicneolaíochta. Tá sé bunaithe ar phríomhphrionsabail amhail cáilíocht na taithí, lena n-áirítear stíl agus aeistéitice, timpeallachtaí maireachtála sláintiúla agus sábháilte, inbhuanaitheacht agus ciorclaíocht, chomh maith le cuimsiú, inrochtaineacht agus inacmhainneacht.
Cuireadh iPortunus ar bun chun deiseanna soghluaisteachta a leathnú agus chun comhoibriú idirnáisiúnta a threisiú ionas go mbeidh ealaíontóirí agus gairmithe cultúrtha in ann obair a dhéanamh, a chur i láthair agus a chomhléiriú i dtíortha éagsúla, rud a thabharfaidh rochtain dóibh ar mhargaí éagsúla, a chabhróidh leo lucht féachana nó lucht leanúna nua a mhealladh, comhoibriú idirnáisiúnta a neartú agus a n-ionchais ghairme a oscailt.
Cuireann tionscadail gníomhaíochtaí soghluaisteachta chun cinn do na grúpaí daoine seo a leanas:
- Foghlaimeoirí: daltaí, mic léinn, oiliúnaithe, printísigh, daoine óga, foghlaimeoirí fásta;
- Baill foirne: ollúna, múinteoirí, oiliúnóirí, oibrithe don óige, agus daoine atá ag obair in eagraíochtaí atá gníomhach i réimsí an oideachais, na hoiliúna agus na hóige;
Is é is príomhaidhm do thionscadail tacú le foghlaimeoirí eolas, scileanna agus dearcthaí a fhoghlaim, inniúlachtaí teanga san áireamh.
Is clár malartaithe trasteorann é Erasmus le haghaidh Fiontraithe Óga a thugann deis do dhaoine óga ar mian leo a bheith ina bhfiontraithe dul ag obair le fiontraithe a bhfuil taithí acu agus a bhfuil gnóthais bheaga á reáchtáil acu i dtíortha eile, agus foghlaim uathu.
| Leis an tionscadal píolótach seo cruthófar spás arb é is aidhm dó eolas a chur ar fáil do lucht déanta beartas agus do pháirtithe leasmhara maidir leis an meiteachruinne, chomh maith le pobal plé lucht ceaptha beartas, lucht acadúil agus páirtithe leasmhara a chothú, agus ar an gcaoi sin bainfear amach forbairt fhónta, inbhuanaithe agus saor ó chlaontacht na meiteachruinne san Aontas. |
|
I gcomhthéacs ina bhfuil earnáil meán na hEorpa ag streachailt chun ábhar inrochtana, iolraíoch agus nuálach a chur ar fáil do lucht féachana na hEorpa, moltar sa ghlao seo tacú le moil Eorpacha na meán a tháirgeann agus a scaipeann nuacht iolraíoch agus ábhar fíorasach ar fud na hEorpa. |
Is é is cuspóir don tionscadal píolótach sin pacáiste nithiúil acmhainní a sholáthar d’eagraíochtaí seiceála fíricí Eorpacha a chuideoidh leo feachtais bhréagaisnéise faoi thubaistí aeráide agus comhshaoil a mbíonn tionchar acu ar thuairimí an phobail a shainaithint agus a dhíspreagadh.
Déanfar an méid seo a leanas leis an togra:
|
Is é uaillmhian na réamhbhirt tús a chur le próiseas ar an leibhéal idirnáisiúnta ina gcuirtear nuálaíocht atá dírithe ar an ealaín chun cinn mar chonair chomhpháirteach mhalartach i dtreo na todhchaí do gheilleagair ar fud ilchríoch agus cultúr éagsúil. |