I gcomhthéacs ina bhfuil earnáil meán na hEorpa ag streachailt chun ábhar inrochtana, iolraíoch agus nuálach a chur ar fáil do lucht féachana na hEorpa, moltar sa ghlao seo tacú le moil Eorpacha na meán a tháirgeann agus a scaipeann nuacht iolraíoch agus ábhar fíorasach ar fud na hEorpa.
I measc na n-iarratasóirí a bhfuiltear ag díriú orthu tá eagraíochtaí de chuid na meán nuachta agus eagraíochtaí eile atá gníomhach in earnáil na meán a bhainistíonn moil na meán nó atá toilteanach iad a chur ar bun (e.g. seomraí nuachta fisiciúla nó fíorúla).
Ba cheart go gcuirfeadh an comhar sin luach le léiriú eagarthóireachta rialta agus aonair na n-eagraíochtaí meán, agus go mbeadh léiriú agus scaipeadh feabhsaithe ábhair nuachta maidir le gnóthaí Eorpacha lasmuigh de na margaí náisiúnta mar thoradh air.
Is é an aidhm atá ann cur, a oiread agus is féidir, leis an méid daoine agus a nochtar d’eolas ardcháilíochta san Aontas Eorpach i dteangacha éagsúla, agus ar an gcaoi sin an rannpháirtíocht dhaonlathach a threisiú agus muintir na hEorpa a chumhachtú.