Leis an deis mhaoiniúcháin seo tacaítear le tionscadail comhair ar mhionscála, ar mheánscála agus ar mhórscála, in earnálacha éagsúla. Mar shampla, i gcás earnáil na n-ailtireachta in 2021, bhí an ghníomhaíocht seo leagtha amach chun tacaíocht a thabhairt d’ailtirí Eorpach a bhfuil raon gníomhaíochtaí acu.
Leis an deis mhaoiniúcháin seo tacaítear le tionscadail laistigh d’earnálacha an chultúir agus na cruthaitheachta. Is féidir tacú le raon leathan gníomhaíochtaí agus tionscnamh, agus le raon leathan iarratasóirí. Tugtar tacaíocht do thionscadail lena mbaineann comhar cultúrtha trasnáisiúnta, agus a chuidíonn le cruthú agus cúrsaíocht saothar ealaíne agus ealaíontóirí Eorpacha ar bhonn trasnáisiúnta a neartú.
| Leis an tionscadal píolótach seo cruthófar spás arb é is aidhm dó eolas a chur ar fáil do lucht déanta beartas agus do pháirtithe leasmhara maidir leis an meiteachruinne, chomh maith le pobal plé lucht ceaptha beartas, lucht acadúil agus páirtithe leasmhara a chothú, agus ar an gcaoi sin bainfear amach forbairt fhónta, inbhuanaithe agus saor ó chlaontacht na meiteachruinne san Aontas. |
|
I gcomhthéacs ina bhfuil earnáil meán na hEorpa ag streachailt chun ábhar inrochtana, iolraíoch agus nuálach a chur ar fáil do lucht féachana na hEorpa, moltar sa ghlao seo tacú le moil Eorpacha na meán a tháirgeann agus a scaipeann nuacht iolraíoch agus ábhar fíorasach ar fud na hEorpa. |
| Is é cuspóir an tionscadail phíolótaigh caomhnú thimpeallacht iolraíoch meán na dtíortha atá buailte ag an gcogadh san Úcráin a chur chun cinn, agus é sin a dhéanamh freisin nuair atá iriseoirí agus na meáin ag obair ó áit deoraíochta. Is é an aidhm níos leithne ná áit níos sábháilte a dhéanamh den Eoraip trí chabhrú le pobail na dtíortha sin ina mianta daonlathacha, rud a bhfuil ról fíor-riachtanach ag na meáin neamhspleácha ina leith. |
|
Is é is aidhm don tionscadal píolótach cur le réimse poiblí feidhmiúil a thugann nuacht agus cláir faisnéise do shaoránaigh i bhformáid lucht féachana nua-aimseartha, ar dhá rud iad atá riachtanach chun cur leis an daonlathas Eorpach, thar theorainneacha agus atá ar fáil ina mBallstát féin, sin agus lena dtabharfar aghaidh ar dhúshláin amhail forlámhas an réimse phoiblí Eorpaigh ag cúpla ardán cumhachtach nuachta teilifíse agus físe agus corparáidí bunaithe lasmuigh den Eoraip, agus iompraíocht tomhaltóirí atá ag athrú i dtreo formáidí faisnéise siamsúla. |
|
Is é uaillmhian na réamhbhirt tús a chur le próiseas ar an leibhéal idirnáisiúnta ina gcuirtear nuálaíocht atá dírithe ar an ealaín chun cinn mar chonair chomhpháirteach mhalartach i dtreo na todhchaí do gheilleagair ar fud ilchríoch agus cultúr éagsúil. |
|
Is é is aidhm don ghníomhaíocht dul i dteagmháil le hEorpaigh óga trí spásanna ar líne coimeádacha a chruthú ina mbaileofar ábhar a chruthóidh lón machnaimh faoi chúrsaí reatha, rud a thabharfaidh cumhacht dóibh peirspictíochtaí ó gach cearn den Eoraip a chur i gcomparáid le chéile agus plé a dhéanamh ar an gcaoi a nascann a leasanna le leasanna na nEorpach óg i mBallstáit eile, agus le tionscnaimh ábhartha de chuid an Aontais, agus an méid sin a fhiosrú. |
|
Is é is aidhm don ghlao seo tionscadal a mhaoiniú chun feabhas a chur ar tháirgeadh, coimeádaíocht agus scaipeadh ábhair meán nuachta atá gairmiúil ilteangach (chomh maith le cláreagrú faisnéiseach, neamhfhicseanúil) a bhaineann le gnóthaí an Aontais, i gcúig theanga de chuid an Aontais ar a laghad, thar cheann amháin nó níos mó de mhúnlaí ardán seachadta Eorpach. |
|
Tabharfaidh an glao seo aghaidh ar dhúshláin na meán agus ar dheiseanna de chineál trasnáisiúnta. |