Is é is cuspóir don tacaíocht a thugtar d’ábhar teilifíse agus d’ábhar ar líne cur le cumas léiritheoirí closamhairc chun tionscadail láidre a fhorbairt agus a tháirgeadh a bhfuil acmhainneacht shuntasach ann a chur i gcúrsaíocht ar fud na hEorpa agus níos faide i gcéin, agus comhléiriúcháin Eorpacha agus idirnáisiúnta a éascú laistigh den earnáil teilifíse agus ar líne.
Is é is aidhm don ghníomhaíocht neamhspleáchas na dtáirgeoirí a neartú maidir le craoltóirí agus ardáin dhigiteacha, feabhas a chur ar an gcomhar idir oibreoirí, léiritheoirí neamhspleácha ina measc, craoltóirí, ardáin dhigiteacha agus gníomhairí díolacháin, ó thíortha éagsúla atá rannpháirteach sa tsraith MEDIA, lena n-áirítear ó thíortha ísealacmhainneachta, chun cláir ardcháilíochta a tháirgeadh atá dírithe ar dháileadh idirnáisiúnta leathan agus a chuirtear chun cinn chuig lucht féachana leathan lena n-áirítear saothrú tráchtála sa timpeallacht ilardán.
Ní mór do na hiarratasóirí a bheith ina gcuideachtaí léiriúcháin closamhairc Eorpacha neamhspleácha. Ní mór gurb é an comhordaitheoir táirgeoir tromlaigh na hoibre ó thaobh cearta de. I gcás scaireanna comhionanna, ba cheart don chomhpháirtí/do na comhpháirtithe an comhordaitheoir a ainmniú mar tháirgeoir tarmligthe.
Féadfaidh eintitis eile a bheith rannpháirteach i róil chuibhreannais eile, cuir i gcás comhpháirtithe comhlachaithe, fochonraitheoirí, tríú páirtithe a thugann ranníocaíochtaí comhchineáil, etc. (féach roinn 13).