L-ambizzjoni tal-azzjoni preparatorja hi li jinbeda proċess f’livell internazzjonali fejn l-innovazzjoni mmexxija mill-arti tiġi promossa bħala perkors konġunt alternattiv għall-futur għall-ekonomiji f’kontinenti u kulturi differenti. Għandha l-għan li tippromovi approċċ Ewropew għall-innovazzjoni bbażata fuq l-arti/il-kultura u l-valuri billi torbot l-innovazzjoni u l-adozzjoni diġitali mal-arti fl-ekosistemi lokali f’reġjuni magħżulin barra mill-Ewropa - li wieħed minnhom hu l-Afrika sub-Saħarjana.                                                              

Approċċ konkret ta' esperimentazzjoni artistika b’teknoloġiji diġitali se jintuża biex jippromwovi l-adozzjoni ta' teknoloġiji diġitali fl-ekonomiji tar-reġjuni magħżulin u biex jippromwovi użu "kompatibbli mal-bniedem" u ekoloġikament konxju tad-diġitali fil-livell dinji. L-azzjoni tkompli l-ħidma fi proġett pilota.

L-azzjoni se tindirizza diversi setturi pertinenti fil-pajjiżi magħżulin fejn il-qasam diġitali jista’ jagħmel differenza. Minħabba l-importanza tal-intelliġenza artifiċjali, l-azzjoni se tenfasizza l-intelliġenza artifiċjali, iżda ma teskludix attivitajiet f'teknoloġiji oħrajn diġitalment pertinenti rilevanti fir-reġjuni magħżulin. B’mod partikolari, l-artisti jistgħu jgħinu fl-indirizzar tad-diżinformazzjoni, sfida ewlenija li taffettwa lill-pajjiżi kollha madwar id-dinja: pereżempju, narrattivi foloz rigward il-mard infettiv minħabba t-tibdil fil-klima, jew il-kawżi tal-iskarsezza tal-ikel li jaffettwaw direttament il-koeżjoni soċjali.