Select your language

L-azzjoni għandha l-għan li tinvolvi liż-żgħażagħ Ewropej billi toħloq spazji online ikkurati li jiġbru kontenut li jipprovoka l-ħsieb dwar il-ġrajjiet kurrenti, tagħtihom is-setgħa li jqabblu perspettivi mill-Ewropa kollha u jiddiskutu u jiskopru kif l-interessi tagħhom jorbtu mal-interessi taż-żgħażagħ Ewropej fi Stati Membri oħra, u ma’ inizjattivi rilevanti tal-UE. L-għan hu li jiġu indirizzati suġġetti rilevanti ta’ importanza pan-Ewropea, u li jinħoloq dibattitu miftuħ, reali, profond u kostruttiv dwar il-ħajja reċenti u futura fl-Ewropa fost iż-żgħażagħ Ewropej, bl-użu ta’ formati innovattivi fuq il-pjattaformi diġitali, bl-iskop aħħari li jinħoloq għarfien akbar tal-viżjonijiet u r-realtajiet Ewropej, il-valuri u l-ideat Ewropej u l-proċessi tat-teħid tad-deċiżjonijiet sabiex sussegwentement jikkontribwixxu għal soċjetà ċivili aktar attiva.

L-impatt mistenni jinkludi:

•  Disponibbiltà akbar ta’ informazzjoni online dwar suġġetti Ewropej b’lingwi Ewropej differenti, ippreżentata f’formati ta’ involviment u permezz ta’ diversi perspettivi.
• Kontenut ta’ kuljum li jqanqal il-ħsieb dwar il-ġrajjiet kurrenti, permezz ta’ proċessi editorjali transfruntieri innovattivi.
• Għarfien akbar dwar il-proċessi tat-teħid tad-deċiżjonijiet.
• Diskussjonijiet u avvenimenti innovattivi u ta’ involviment, li jgħinu liż-żgħażagħ Ewropej jiskambjaw fehmiet u jiskopru modi biex jinvolvu ruħhom fi proġetti pan-Ewropej minkejja l-ostakli lingwistiċi.
• Involviment demokratiku akbar taż-żgħażagħ f’diversi gruppi soċjali, gruppi lingwistiċi u gruppi ta’ età.