Gwida dwar il-Finanzjament CulturEU
Opportunitajiet ta’ Finanzjament tal-UE għas-Setturi Kulturali u Kreattivi 2021-2027.
B’din il-gwida interattiva, il-Kummissjoni Ewropea trid tiffaċilita l-aċċess għall-opportunitajiet ta’ finanzjament disponibbli għas-setturi kulturali u kreattivi fis-sorsi kollha ta’ finanzjament tal-Unjoni Ewropea disponibbli fl-2021-2027.
L-għan huwa li l-atturi f’dawn is-setturi jiġu megħjuna jidentifikaw l-aktar sorsi xierqa ta’ appoġġ mill-UE għall-proġetti tagħhom.
Kif taħdem
Wieġeb serje ta’ mistoqsijiet ibbażati fuq is-settur li qed taħdem fih, it-tip ta’ organizzazzjoni, u l-appoġġ li qed tfittex. Ir-riżultati se jippermettulek tnaqqas is-sorsi ta’ finanzjament rilevanti u s-sejħiet disponibbli li huma l-aktar adatti għalik.
Ir-riżultati se jkunu akkumpanjati mill-baġits disponibbli, il-proċess ta’ applikazzjoni tas-sorsi differenti ta’ finanzjament u rabta mal-programm jew is-sejħiet speċifiċi.
Gwida dwar il-Finanzjament CulturEU
Sib l-aħjar opportunità ta’ finanzjament għalik, abbażi tas-settur li qed taħdem fih, it-tip ta’ organizzazzjoni u l-appoġġ li qed tfittex.
Appoġġ għall-persuni affettwati mill-invażjoni tal-Ukrajna mir-Russja
Il-Kummissjoni Ewropea hija determinata li tappoġġja lill-poplu Ukren u li tipprovdi l-assistenza kollha disponibbli fl-oqsma tal-kultura u tal-kreattività u lil hinn f’dawn iż-żminijiet estremament diffiċli.
Studji tal-każijiet
Skopri kif proġetti oħra diġà bbenefikaw mill-opportunitajiet ta’ finanzjament tal-UE disponibbli għall-2014-2020.
