Se jingħata appoġġ għall-iżvilupp ta’ xogħlijiet u prototipi ta’ rakkontar ta’ stejjer narrattivi interattivi b’kontenut oriġinali u/jew logħob ta’ kwalità maħsub għall-produzzjoni u l-isfruttament kummerċjali globali permezz ta’ PCs, consoles, apparat mobbli, tablets, smartphones u teknoloġiji oħra.

L-għan huwa li jiġu pprovduti fondi lill-kumpaniji tal-produzzjoni tal-logħob video u lil kumpaniji oħra li jipproduċu kontenut immersiv biex jiżviluppaw xogħlijiet b’livell għoli ta’ oriġinalità u b’valur innovattiv u kreattiv, u li għandhom livell għoli ta’ ambizzjoni kummerċjali u potenzjal transfruntier estensiv biex jilħqu s-swieq Ewropej u internazzjonali. Dan se jippermetti aktar investiment f’kontenut Ewropew innovattiv u jżid il-kompetittività tal-kumpaniji Ewropej fis-suq diġitali globali.

Huma eliġibbli biss l-attivitajiet relatati mal-fażi tal-iżvilupp tal-logħob video narrattiv u l-esperjenzi narrattivi immersivi interattivi, irrispettivament mill-pjattaforma jew il-metodu ta’ distribuzzjoni mistenni.

Sabiex titqies bħala narrattiva, l-istorja trid tingħad jew tintwera matul il-logħba kollha (rakkontar ta’ stejjer fil-logħba) jew esperjenza immersiva interattiva, u mhux biss bħala introduzzjoni jew tmiem.

Fil-każijiet kollha, ix-xogħol irid ikun maħsub għal sfruttament kummerċjali.