Il-proġett pilota għandu l-għan li jikkontribwixxi għal sfera pubblika li tiffunzjona li tipprovdi liċ-ċittadini b’aħbarijiet u dokumentarji f’format ta’ udjenza moderna, meħtieġa biex tikkontribwixxi għad-demokrazija Ewropea, bejn il-fruntieri u disponibbli fl-Istat Membru tagħhom stess, filwaqt li jindirizza sfidi bħad-dominazzjoni tal-isfera pubblika Ewropea minn ftit pjattaformi u korporazzjonijiet b’saħħithom tat-TV u tal-aħbarijiet bil-video bbażati barra mill-Ewropa, u l-bidla fl-imġiba tal-konsumatur lejn formati ta’ inforikreazzjoni.

Għal dan l-għan, se jippermetti liċ-ċittadini jfittxu l-kontenut kollu pprovdut mill-istazzjonijiet televiżivi pubbliċi u privati fl-Istati Membri u se jipprovdi sottotitoli tradotti fil-lingwi kollha tal-UE ta’ dawn l-aħbarijiet u dokumentarji. Il-pjattaforma se tfittex li tistabbilixxi alleanza teknoloġika u alleanza tal-kontenut fost l-atturi interessati fl-Istati Membri biex jakkomodaw produzzjonijiet tal-kontenut proprji rikki u varjati, inkluż kontenut futur tar-realtà awmentata, mill-ħafna stazzjonijiet fl-Istati Membri.

L-elementi kostitwenti kollha meħtieġa għat-twettiq ta’ dan il-proġett huma disponibbli u jeħtieġ biss li jinġabru flimkien, iżda fl-istess waqt jiġu antiċipati xejriet futuri lejn preżentazzjoni tal-kontenut miżjuda u operazzjonijiet appoġġjati mill-IA.